Katulad ng ibang celebrities, certified “miner” din pala ang actress na si Nadine Samonte sa online live selling ng kilalang President at Founder ng Maddox Jewelry na si Ms. Charo Cordial.
Pero may konting hugot—aminado si Nadine na hindi raw siya napapansin sa pagma-mine niya online! Kaya naman, walang kaarte-arteng dumiretso siya sa Maddox Jewelry showroom sa Marikina para personal nang makapamili.
Bukod sa bilin ng kanyang kapatid na nasa Germany na isang open heart necklace, may dala rin siyang singsing na pina-assess.
Akala niya, naka-jackpot siya—nabenta sa kanya ng ₱100K mula sa dating ₱300K sa isang TikTok seller, at balak pa sana niyang ipa-swap.
Pero teka… PLOT TWIST!
Agad napansin ni Ms. Charo—may mali! At doon na nga nabunyag… hindi pala totoong gold at diamond ang singsing!
Hindi napigilan ni Nadine ang kanyang emosyon:
“Nalungkot naman ako! Parang gumuho ang mundo ko!”
Dito na rin niya ibinahagi ang mas malalim na kwento mula sa kanyang nakaraan—
Noong Starstruck days niya, nag-invest siya sa gold gamit ang kanyang kinita. Ngunit sa hindi inaasahang pangyayari, nanakaw lahat ng kanyang alahas habang lumilipat sila ng bahay.
“Para akong nawala sa sarili. I was heartbroken.”
Mas masakit pa—kasama sa nawala ang kanyang 18th birthday ring mula sa kanyang yumaong ama.
“Yung kaisa-isang memory ng Dad ko sa akin… nawala.”
Sa kabila ng lahat, naging makabuluhan ang kanyang pagbisita—isang pagbubukas ng puso, pagkakamali, at bagong pag-asa.
“Tao rin naman ako.”
Abangan ang buong kwento sa D’ Maddox Jewelry Facebook page at sa Maddox Jewelry YouTube channel—isang kwento ng realizations at tamang investment!
No comments:
Post a Comment