Sino si "Mr Silidonyo" ng gobyerno?

Sino itong mataas na opisyal ng gobyerno ang meron raw dalawang (2) espesyal  na tauhan na nagsisilbing kubrador at taga-deposito?

Ayon sa ating source, ang diumanong kubrador raw ang siyang direktang nakikipag negosasyon upang kubrahin raw ang pera para sa kaniyang tinatawag na “Boss” na itago natin sa pangalang "Government official". 

Totoo kaya na si Kubrador raw ang siyang tumitiyak na ang pera na nakolekta ay maibigay sa tamang oras at ang isa pang tauhan ang siyang mag de-deposito bank account ng mataas na opisyal ayun sa source?

May posibilidad raw ang negosasyon at palitan ng text messages sa buwan ng Hunyo at Hulyo ngayong taon kung saan magkakahiwalay ang kausap tungkol sa multi-milyong kubrahan ng kanilang isusubi mula doon sa proyekto na dapat pakinabangan ng mga mahihirap.

Narito ang sample ng text message ni Kubrador mula sa source “ Request for P100M para inclusive ang mga cabinets, tables and chairs” at “Sa Friday may check release na si (taga-SUBI) .. pls make sure nalagyan ng P100M ni Boss yung account nya Ty” laman ng isang text noong Hunyo 7, ilang linggo bago bumaba sa pwesto si dating Pangulong Rodrigo Duterte. Sana hindi totoo dahil malaking halaga ito

Talagang bagyo at bigtime si "Government official" dahil hindi simpleng tao ang kaniyang diumano'y kubrador at taga-subi ng pera, abay tandem raw ay isang mambabatas at isang negosyante.

Ang kubrador ni Mr. official ay may  posibleng masamang imahe dahil sa kinasangkutan nito na eskandalo sa gobyerno kaya naman todo ang sipsip nito sa kasalukuyang administrasyon para makalusot sa mga kaso.

Kung totoo ang aligasyon, ang sinasabing halagang kinokolekta ni Kubrador ay P100 milyon para lamang kay Government Official. Totoo kaya? 

Ang taga-SUBI naman ng koleksiyon ni Kubrador ay dating nasangkot na rin sa isang gulo sa pagitan pamilyan ng mga pulitiko dito sa isang sikat na lungsod sa National Capital Region(NCR).

Si Kubrador ay isang lady solon mula sa isang lalawigan at yung taga-deposito o taga-subi ay sanay sa Raket katulad ng kaniyang initial.

Pero ang tumbok ng ating blind item ay si "Government official" na siyang ipinangongolekta ni Kubrador.

Clue: Napaulat na iniimbestigahan si Goverment official  dahil sa sangkaterbang bank account nito, hindi lang sa Pilipinas kundi sa ibayong dagat, partikular ng Anti Money Laundering Council.

Ang diumanong opisyal na may dalawang kampon na  taga-kubra at taga-subi o taga silid  sa kanyang bank account ay binansagang Mr. “Silidonyo”, dahil “silid dito silid doon” ng limpak limpak na salapi.